النوري يعلن عن مصير «أبو عصام» في باب الحارة 10

الأردن اليوم – نفى الفنان السوري عباس النوري مشاركته في الجزء العاشر من مسلسل “باب الحارة”، والذي كان يجسد فيه شخصية “أبو عصام”، وذلك خلال رده على استفسارات متابعيه حول العمل.

ونشر عباس عبر حسابه الخاصة على إنستغرام، مقطع فيديو له أكد فيه: “بدي قول باب الحارة، كان للمخرج بسام الملا، وهو استبعد أبو عصام مرتين، وبالتالي يبدو حاليا أنه الاستبعاد الأخير، باب الحارة بالأصل اتوقف لاعتبارات قضائية وخلافات بين المنتجين”.

وأضاف: “الي كانوا عم يتقاتلوا على كعكة باب الحارة، وأنا هل كعكة بالأصل ما دقت منها شي، ولا ايلي علاقة فيها، أنا مجرد ممثل كنت بشخصية أبو عصام، الي حمدلله الناس حبوها وعم يطلبوها”.

وتابع: “بس أنا ما مسؤول عن شخصية أبو عصام، مسؤولين عنها اثنين واحد منن قتلوا مرتين، أول مرة بعد الجزء الثاني، وهلا انقتل مرة ثانية، وحاليا انقتل قتلة مزدوجة من منتجين اتنين ما رح أذكر أسمائن، حتى ما أدخل بخصومة شخصية بحترم الجميع، لكن شخصية أبو عصام اقرولوا الفاتحة أحسن ما تسألوني عنه لأن أنا قريتله الفاتحة وحطيت نعيه على باب بيتي”.