تفاصيل جديدة في مقتل الفتاة المصرية،، والجاني يروي للقضاء تفاصيل جريمته

0 363

الأردن اليوم – في اخر تفاصيل قضية فتاة المنصورة نيرة اشرف ، وقف المتهم أمام وكيل النيابة يصرخ بشدة «بحبها وبعشقها، أنا كنت حتى مقدرش أعاكس بنت من شدة خجلي وطول عمري متفوق وبطلع الأول، حتى فى الكلية كنت بطلع الأول على دفعتي وملتزم بالصلاة في المسجد، لكن لما شفتها وقابلتها أول يوم فى الدراسة خطفت قلبي وقررت أصارحها بحبي، لكنها رفضتني ورفضت حبي، واعتقدت إنها معندهاش ثقة فيا وإنها ظنت إني غير صادق، ذهبت لأهلها أتقدم لخطبتها، لكنهم رفضوني لأني طالب، وقالتلي أنت إزاي تتقدملي أصلا، أنت مش في حساباتي ولا عمري هاحبك ولا هرتبط بك، أنا ليا أحلام وطموحات غيرك».

وأضاف المتهم «قولت أستنى لما أخلص الكلية وأشتغل وأثبتلها حبي، لكن أصحابي اتريقو عليا وقالولي أنت هتفضل خام كدة ملكش علاقات وأي بنت تحب الولد اللي مقطع السمكة وديلها، وفي سنة ثانية شفتها بتتعاكس وكانت خناقة عليها، فأنا دخلت أهزأ الولد لكنه ضربني قدامها، فأصحابي اتريقو عليا وقالولي يا خبتك اضربت قدامها، وقالولي إني كدا مش هملي عنيها، فروحتلها وقولتها أنا بحبك وبفكر فيكي على طول، وقولتلها أنا مش هسيبك تتجوزي غيري، ولو اتجوزتي غيري هقتلك، فضحكت عليا هي وصحبتها وقالولي يا عم روح أنت متعرفش حتى تقتل فرخة».

وتابع «شعرت بإهانة شديدة ومن يومها فكرت أتغير وأشرب حشيش علشان أكون راجل في نظرها زي ما نصحوني أصحابي وبدأت أطاردها في كل مكان وكنت ببعتلها رسايل علشان تخاف وترتبط بيا لكنها كانت مصرة على موقفها، نيرة كانت من أرق البنات وكانت مؤدبة جدا والناس كلها بتحبها، فخوفت حد ياخدها مني فقررت أقتلها وكنت عايز أحتفظ براسها علشان أنا كنت بحب عيونها، أنا شربت مخدرات علشان أقدر أقتلها وأثبت للجميع إني مش ضعيف، وبعدين أنا مش ندمان إني قتلتها علشان ربنا عارف أنا بحبها أد إيه، فأكيد هيجمعني بها، متحكمونيش وحاكموا اللى اتريقو عليا وأهانوني، أنا عايز أتعدم من غير محاكمة، بس ليا طلب بعد ما تعدموني ادفنوني فى حضنها أرجوكم».

وأثناء تمثيل المتهم للجريمة لم يستطيع تمثيلها وقال إنه لا يتذكر كيف فعلها وكل مايذكرة هو أنه كان يريد وجهها فقط لذلك ذبحها وكان يريد فصل رأسها حتى يحتفظ بها، ومثل جريمته بصعوبة.

تفاصيل جديدة في مقتل الفتاة المصرية،، والجاني يروي للقضاء تفاصيل جريمته
اترك رد

لن يتم نشر عنوان بريدك الإلكتروني.